Marokkósku Boucherouite teppin eru unnin af Berber konum í Atlasfjöllunum. Teppin eru unnin úr afgangsefnum, ekki með neitt fyrirfram ákveðið munstur eða út frá neinni reglu og því er hvert þeirra einstakt. Upphaflega voru þau ætluð til hversdagslegra nota en ekki sem stofustáss eða listaverk. Í dag dáumst við að þeim fyrir litadýrðina sem einkennir þau og þá einlægu gleði sem í þeim er.